哈~ 番黎歇左一歇~ 就開始寫遊記好了~ 加陣不像以前咁好記性嚕~ 攤凍左好多野怕唔記得呢~~~ 廢話少說~ 開始寫嚕~

0816 Location 0 : Spot 0 (香港時間)
一早起身, 就去機鐵站出發嚕~ 心情興奮也緊張, 果朝早吃早餐還在諗係唔係應該先去看看醫生, 睇左個喉嚨痛佢, 但係過左一個鐘頭到就好番好多了, 好彩無耽誤左行程~ 哈~ 還算是不錯的兆頭吧~

 
原來加陣機鐵有雙人特惠, 買兩張飛香港站入到機場才一百六~ 雖然一早去入左八達通, 但也不管嚕, 就買了套票去機場~
(香港用既呢部份錢就唔記錄入去呢個遊記度嚕, 或者之後有心機先加番個index吧)

1539 Location 1 : Spot 1 – 關西國際空港

搭飛機的過程也不用多描述, 大家都去不少遍旅行吧~ 落機過埋關已經係日本時間三點幾了~ 不過還算和預定的差不多吧~ 第一天還是做做資料落腳找找地方而已, 反正樣樣都是新事物, 準回好玩吧~ 嘻嘻~ 搭左咁多個鐘頭機, 難免即刻標出去抽煙, 哈~ 這樣就是十年前後, 上一遍在日本抽煙時, 還未是個煙鏟, 加陣已經開始慢慢減煙了~ 人就是這樣奇怪的吧, 高高低低起起跌跌, 果一刻忽然間諗起風間同學以前用的簽名 : Lives a ball, 起起跌跌; 只要不洩氣~ 哈~ 十年後我和大B竟然真的可以一齊完成兒時的夢想, 一齊站在日本, 加陣的他, 已經是個比我更煙鏟的煙民了~ 一笑  

1616 Location 1 : Spot 2 – 關西空港站 (唔係日文字既都盡量唔打呢個”駅”嚕)

抽完了煙, 因為第三日諗住落白濱, 所以買了個兩日kansai thru pass, 跟住就出發去搭特急去酒店了~ 酒店在難波站(なんば)附近, 所以就沒搭JR而走去南海線嚕~
(3800円 x 2)

1627 Location 1 : Spot 3 – ラビートβ

左問右問, 卒之都問到原來就算早十分鐘既慢車, 都要慢過搭特急好多的~ 也好好的記住了, 在日本搭車就是$$$~ 反正有pass就是補500 yen嘛, 所以也不多考慮了~ 這樣一來就賺了幾十分鐘, 還是多謝果個肯響本簿仔寫字給我的車長吧~ 嘻嘻~ 遲下影番個車長響我簿仔寫的給大家看看吧~ 簿仔的內容響附記再出好了~ 張相就係我地坐既果一架Rapid Beta (ラビートβ), 都算幾靚仔吧~
(500円 x 2)

1845 Location 2 : Spot 1 (中央區宗右衛門町….即係道頓堀, 之後打道頓算了~呵~)

到到大阪去左酒店執好晒d野, 就已經六點幾了~ 阿B同小琪去買野, 咁我就和一才去了閒逛, 也好找點野吃吃嚕~ 先前響難波站行去酒店果陣就看到道頓那些東東, 順理成章就走去看嚕~ 反正就是個旅遊景點嘛~ 諗住乜都走去看看啦~ 人頭擁擁, 還有karaoke咁~ 哈, 自然乜都走去八下佢啦~

 

還見到了酒店附近第一間便利店~ 就心知無死了~ 點都未至於到到無飯開先啦, 也叫做立好了腳嚕~ 就更加放膽行, 行行重行行左看看右看看, 點知走左入去一間無料按內所~ 我地一入門口見到四下無人, 但門口兩個年青人好似好驚訝咁….再舉頭一看…..原來係有RAMERU service既地方…..失覺晒, 就和一才兩人急步離開~ 哈~ 大鄉理出城嘛~ 就是夠面皮厚~


1857 Location 2 : Spot 2 がんこ寿司

行左兩下子, 就開始覺肚餓了~ 他媽的飛機餐, 好的和不好的航空公司都差不多, 我們這些草根嘛, 就是坐貧民倉. 反正有錢也坐貧民倉, 留多點點錢吃好野好了~ 叉開左, 講番正題, 就係去吃野了~ 今次去旅行最主要都係街市食飯團, 看見呢間壽司鋪都好似幾靚仔, 就立定入去食”小小野”既決心, 要食盡大阪嘛~

入到去頭愕愕, 原來環境都不錯, 響香港應該會一頸都係血吧~

 

跟手有個扮講英文既日本人埋黎, 同我呢個扮講日文既中國人ee鵝鵝, 最後佢都知道左我想要乜, 看看價錢不貴, 就試試看嚕~ 不用是食家, 只要是平時都餵食的就知, 玉子壽司易有up味, 普通吞拿魚壽司多數都會很多水氣, 八爪魚鞋口要汁靚先彌補到, 就先叫這幾樣會一會大阪的日本仔好了~

果三件野唔洗要講都知邊舊打邊舊吧~ 但可以說真的對吞拿魚改觀了不少, 以往一直都只顧著拖羅, 吞拿魚真的沒吃過好吃的, 入得口的也不多, 這幾件嘛, 結論就是, 在香港無乜必要就唔好亂side錢好了, 唔係知吃左d唔新鮮唔靚的壞了印象就慘, 不過頂隱時還是會去吃一舊半舊吧~ 過左陣話俾阿英文人聽仲差舊高檔的赤貝未黎~ 佢即刻就叫阿師傅搞掂佢~

 

跟手師傅大叫一聲~ 紅中! (其實佢係咁arm有人黎所以要講IRASAI)

眼前一亮, 原隻赤貝的壽司, 完全看唔到舊飯, 食落後, 可以說就算在我面前開果d赤貝都未食過咁狂野既味

唔餓了~ 就埋單, 左拍右拍都沒人理~ 合計1890円, 呢個價錢響友和食隻海老刺身連加一都未夠錢俾~ 細數就自己看嚕~ 我自己就就咁計係1890円就算了~~

(1890円)

1928 Location 2 : Spot 3 道頓堀→堺筋千日前通
哈~ 不餓了就繼續做定位嚕, 又見到呢d案內所, 原來是有得免費上網的~ 可惜他們都是用日文的Windows 2K, 連dchome都看不到, 得物無所用嚕~ 跟住找到了打算一試的蟹道樂, 原來周圍都係的. 再行下行下就見到香港樓了, 上次去台灣都有飲餐茶, 果陣都係諗住影左到此一遊先, 看有無機會響大阪都試下嚕~ 見到香港樓, 即係行到日本橋站了~

寫到呢度, 都係分一分段好了~ 一氣過寫很吃力, 而且load時也會慢, 還要如果有reply既話可能會亂~ 成機歇歇先好了~ 嘻嘻